გეოლოგიის ინსტიტუტის ყოფილი შენობის მფლობელი კომპანია "ალიანსმედი" გახდა. 10 სექტემბრის პირობებიან აუქციონზე ობიექტის შეძენას ოთხი სუბიექტი ცდლიობდა, თუმცა საბოლოოდ გამარჯვება "ალიანსმედს" დარჩა, რომელმაც ობიექტში 2,3 მლნ დოლარი გადაიხადა. კომპანია სშენობის რეკონსტრუქციას გეგმავს, სადაც სამომავლოდ თანამედროვე ტიპის საოფისე ცენტრი განთავსდება.
ფალიაშვილი/მოსაშვილის ქ. №85/24-ში მდებარე შენობის გასაყიდი საწყისი ღირებულება 1,5 მლნ. დოლარს შეადგენდა. ობიექტი შედგება 9 შენობა-ნაგებობისაგან - საერთო ფართი 11 192 კვადრატული მეტრი.
აღსანიშნავია, რომ საპრივატიზებო ობიექტიდან 408 კვ.მ. ფართი გაცემულია მოკლევადიანი იჯარით სხვადასხვა იურიდიულ პირზე.
სსიპ კავკასიის ა. თვალჭრელიძის სახ. მინერალური ნედლეულის ინსტიტუტის მოიჯარეები არიან:
1. შპს "მუხტი" - 24 კვ.მ. - 31.10.2008 წლიდან - 31.12.2010 წლამდე;
2. შპს "გეოლოგსერვისი" - 24 კვ.მ. - 01.062010 წლიდან - 31.12.2010 წლამდე
3. შპს "თამი 2007" - 25 კვ.მ. - 01.06.2010 წლიდან - 31.12.2010 წლამდე
3. შპს "ფუკალი" - 235 კვ.მ. - 21.11.2003 წლიდან - 23.11.2013 წლამდე
4. შპს "ფუკალი" - 50 კვ.მ. - 09.06.2004 წლიდან - 21.11.2013 წლამდე
5. სს "საქართველო-აბსოლუტ კონსალტინგი" - 50 კვ.მ. - 01.06.2006 წლიდან - 01.01.2012 წლამდე.