ზაფხულის პერიოდში ნავთობპროდუქტების სერტიფიკაციის ორგანო ,,მონიტორინგი" მუდმივად ახორციელებდა კომპანია ,,სოკარ ჯორჯია პეტროლეუმის" მიერ იმპორტირებული აზერბაიჯანის რესპუბლიკის სახელმწიფო ნავთობკომპანიის წარმოებული ბენზინისა (რეგულარი) და დიზელის (ლ-62) საწვავის რეგულარულ ხარისხობრივ შემოწმებასა და სერტიფიცირებას. გარდა ამისა, განხორციელდა უშუალოდ ავტოგასამართი სადგურებიდან საწვავის სინჯების აღება და მისი ხარისხობრივი შემოწმება.
როგორც ცნობილია, ზაფხულის პერიოდში გაზრდილია საწვავის მოხმარება. შვებულებების პერიოდის გამო დაწყებულია აქტიური სამანქანო მოძრაობები მთელი საქართველოს მასშტაბით. შესაბამისად, სერტიფიკაციის ორგანო ,,მონიტორინგის" მიერ მოხდა საწვავის სინჯების აღება როგორც დედაქალაქში, ასევე საქართველოს სხვა რეგიონებში. შემოწმებული საწვავის ხარისხი სრულიად შეესაბამება შესაბამისობის სტანდარტს.
გარდა ამისა, მოხდა საწვავის ჩასხმის სიზუსტის განსაზღვრა, თუ რამდენად ხორციელდება უშუალოდ ავტოგასამართ სადგურზე საწვავის ზუსტი ოდენობის ჩასხმა. უნდა აღინიშნოს, რომ კომპანია ,,სოკარ ჯორჯია პეტროლეუმის"ავტო გასამართ სადგურებზე დაფიქსირდა საწვავის 100%-იანი ჩასხმა.