გაეროს გენერალური ასამბლეის 64-ე სესიამ სერბეთის ინიციატივით მიიღო რეზოლუცია, რომელიც გაეროს საერთაშორისო სასამართლოს მიერ კონსულტატიურ დასკვნას ეხება კოსოვოს დამოუკიდებლობის აღიარების დეკლარაციასთან დაკავშირებით.
გენერალური ასამბლეა მიესალმება ევროკავშირის მზადყოფნას ხელი შეუწყოს პრიშტინასა და ბელგრადს შორის დიალოგს.
რეზოლუციის თანაავტორად ევროკავშირის 27 წევრი სახელმწიფო გამოვიდა.
დოკუმენტის წარდგენისას სერბეთის საგარეო საქმეთა მინისტრმა ვუკ ერევიჩმა განაცხადა, რომ რეზოლუციის პროექტის თანაავტორებს შორის არიან სახელწმიფოები, რომლებიც სერბეთის ტერიტორიულ მთლიანობას უჭერენ მხარეს, სხვებმა კი კოსოვოს დამოუკიდებლობა აღიარეს.
ერევიჩმა აღნიშნა, რომ სერბეთი არ აღიარებს და არ აპირებეს აღიაროს კოსოვოს დამოუკიდებლობა.
გაეროს რეზლუციაში ნათქვამია, რომ გენერალური ასამბლეა მხედველობაში იღებს საერთაშორისო სასამართლოს კონსულტატიულ გადაწყვეტილებას კოსოვოს დამოუკიდებლობის ცალმხრივი აღიარების შესაბამისობის შესახებ საერთაშორისო სამართლის ნორმებთან.
რეზოლუციაში აღნიშნულია, რომ პრიშტინასა და ბელგრადს შორის შესაძლო დიალოგი შესაძლებელია რეგიონში მშვიდობის, უსაფრთხოებისა და სტაბილურობის ფაქტორი გახდეს.
შეგახსენებთ, რომ 2008 წლის 17 თებერვალს კოსოვოს თვითმმართველობის დროებითმა ინსტიტუტებმა მიიღეს დეკლარაცია მხარის დამუკიდებლობის შესახებ.
2008 წლის 8 ოქტომბერს გენერალურმა ასამბლეამ გაეროს წესდების 96-ე მუხლის შესაბამისად თხოვნით მიმართა საერთაშორისო სასამართლოს კოსოვოს დამოუკიდებლობის აღიარებასთან დაკავშირებით კონსულტატიური დასკვნის გამოტანის საკითხთან დაკავშირებით.
თხოვნის შინაარსი მდგომარეობდა შემდეგში:"შეესაბამება თუ არა კოსოვოს თვითმმართველობის დროებითი ინსტიტუტების მიერ დამოუკიდებლობის აღიარებნა საერთაშორისო სამართლის ნორმებს?".
სასამართლო მივიდა დასკვნამდე, რომ დეკალრაცია კოსოვოს დამოუკიდებლობის გამოცხადებასთან დაკავშირებით მთლიანობაში არ არღვევს საერთაშორისო აქტებს და უშიშროების საბჭოს რეზოლუციებს და შესაბამისად არ ეწინააღმდეგება საერთაშორისო სამართლის ნორმებს.
