ფინანსთა მინისტრი საფინანსო ბაზრისთვის „თიბისი ბანკის“ მნიშვნელობაზე საუბრობს და აცხადებს, რომ ის არის ერთ-ერთი ყველაზე მნიშვნელოვანი საფინანსო ორგანიზაცია ქვეყანაში და ამ ინსტიტუციას არანაირი საფრთხე არ ემუქრება. ქვეყნის მთავარი ფინანსისტი განმარტავს, რომ მის უწყებას საგადასახადო კუთხით „თიბისი ბანკის“ მიმართ კითხვები არ ჰქონია.
„თიბისი ბანკი“ არის ერთ-ერთი ყველაზე მნიშვნელოვანი საფინანსო ორგანიზაციაა ჩვენს ქვეყანაში, მაღალი რეპუტაციის მქონე. ამას ადასტურებს მისი ისტორია, ასევე ის, რომ არიან ლონდონის საფონდო ბირჟაზე. ასე რომ, ამ ინსტიტუციას არანაირი საფრთხე არ ემუქრება. ასევე, არ ემუქრება საფრთხე საქართველოში ფინანსურ სისტემას და მის მდგომარეობას. ამ ეტაპზე, ფინანსთა სამინისტროს საგადასახადო კუთხით არანაირი კითხვები არ გვქონია“, – განაცხადა მაჭავარიანმა.
მინისტრი ამბობს, რომ „თიბისი ბანკთან“ დაკავშირებით საერთოდ არანაირი პრობლემა არ არის.
