დიდ დიღომში აფეთქების შედეგად დაშავებულები პრემიერ-მინისტრმა მოინახულა, რომელმაც განაცხადა, რომ საქართველოს უმძიმესი ტრაგედია დაატყდა თავს. მამუკა ბახტაძემ განაცხადა, რომ კლინიკებში 6 ბავშვი მკურნალობს, ხოლო გარდაცვლილია -4 ადამიანი.
"უდიდესი ტრაგედია დაგვატყდა დღეს თავს. გარდაცვლილია ოთხი ადამიანი. მათ შორის, ერთი მცირეწლოვანი ბავშვი. მინდა მივუსამძიმრო ეს ტრაგედია ყველას. იაშვილის კლინიკაში 6 პატარა პაციენტს ვმკურნალოთ. მათი მდგომარეობა დამაკმაყოფილებელია. მთელი ღამის განმავლობაში ექიმების მეთვალყურეობის ქვეშ იქნებიან პატარები და დილით იქნება გადაწყვეტილება მიღებული მათი ოჯახებშ გადაყვანის შესახებ. ბავშვების მდგომარეობა დამაკმაყოფილებელია", - თქვა პრემიერ-მინისტრმა.
აფეთქება დიდ დიღომში, ავთანდილის ქუჩაზე, 16 აინვარს 20:30 საათზე მოხდა. აფეთქებას 4 ადამიანის სიცოცხლე ემსხვერპლა, მათ შორის არასრულწლოვნი. დაშავებულია 6 ადამიანი, ისინი სასწრაფო სამედიცინო დახმარების ბრიგადებმა კლინიკებში გადაიყვანეს. არსებული ინფორმაციით, აფეთქება სავარაუდოდ გაზის გაჟონვის გამო ერთ-ერთი საცხოვრებელი კორპუსის მეექვსე სართულზე მოხდა. კორსპუსის მცხოვრებლების თქმით, მთელი დღის განმავლობაში გაზის სუნი იგრძნობოდა, რის გამოც მათ "ყაზტრანსგაზის“ წარმომადგენლები გამოიძახეს. ისინი ამბობენ, რომ გავრცელებული ინფორმაციით, ყაზტრანსგაზის თანამშრომლებმა პრობლემა ვერ აღმოაჩინეს.
