24 წლის არაბმა დიზაინერმა, შეიხა ალ ალიმ ახალი პროექტი დაიწყო, რომელიც საემიროების უდაბნოთია შთაგონებული.
მაღალქუსლიანი ფეხსაცმლის ქუსლი - Kuthub-ი, რომელიც უდაბნოს ქვიშითაა სავსე.
„ჩვენ ვართ ერი, რომელიც გაიზარდა უდაბნოში. ეს ჩვენთვის კომფორტიცაა და სახლიც.
განა მართლაც კარგი არაა, რომ ყოველთვის თან გქონდეს მისი ნაწილი?“, - განმარტავს დიზაინერი.
დიზაინერული ნამუშევრის ფასი 315 დოლარია და ამ დროისათვის ასორტიმენტი საკმაოდ შეზღუდულია. თუმცა მომავალი თვიდან გაყიდვაში გამოჩნდება უფრო მეტი ზომისა თუ ფერის Kuthub-ი.
