გარემოს ეროვნული სააგენტოს სპეციალისტები მყინვარებზე გლაციოლოგიურ ექსპედიციებს, ახალი სამთო ალპინისტური აღჭურვილობით, საველე სპეც-ტანსაცმლით და მაღალი გამავლობის ავტომობილების საშუალებით განახორციელებენ.
გარემოს ეროვნული სააგენტოს უფროსი ანდრო ასლანიშვილი სპეციალისტებს შეხვდა და ახალი აღჭურვილობები დაათვალიერა.
სააგენტოს ერთ-ერთ ძირითად საქმიანობას მყინვარებზე მიმდინარე პროცესებზე დაკვირვებები წარმოადგენს. ხალი ინვენტარით აღჭურვა სპეციალისტებს შესაძლებლობას მისცემს, საველე-გლაციოლოგიური ექსპედიციები მაქსიმალურად უსაფრთხოდ და ოპერატიულად განახორციელონ.
გარემოს ეროვნული სააგენტოს სპეციალისტები საქართველოს მასშტაბით მყინვარებზე მუდმივ მონიტორინგს ახორციელებენ, სამუშაოები რთულ, სიცოცხლისთვის საშიშ პირობებში მიმდინარეობს.
კლიმატის ცვლილების პროცესების შესწავლის, მდინარეებზე სტიქიური მოვლენების შესახებ ადრეული გაფრთხილების სისტემების შექმნის და წყლის რესურსების რაოდენობრივი შეფასების მიზნით საველე-ექსპედიციები მუდმივად მიმდინარეობს.
