ამ საკითხზე უმრავლესობის შიგნით ვერც ერთ წევრს ვერ ექნება მონოპოლია, - ამის შესახებ საპარლამენტო უმრავლესობის ლიდერმა არჩილ თალაკვაძემ დეპუტატ ეკა ბესელიას განცხადებასთან დაკავშირებით აღნიშნა, რომელმაც თქვა, რომ მოსამართლეთა სიის განხილვის შეჩერება და კრიტერიუმების შემუშავების შესახებ გადაწყვეტილების მიღება სწორედ მისი გადადგომის შედეგად მოხდა.
თალაკვაძის განცხადებით, სასამართლოსთან დაკავშირებული ორივე გადაწყვეტილება, პოლიტიკური გუნდის გადაწყვეტილებაა
"სასამართლოსთან დაკავშირებული ორივე გადაწყვეტილება, პირველი - საკითხის საგაზაფხულო სესიაზე განხილვა და მეორე - პროცედურის და კრიტერიუმების შემუშავება, არის ჩვენი პოლიტიკური გუნდის გადაწყვეტილება. შესაბამისად, ამ საკითხზე უმრავლესობის შიგნით ვერც ერთ რომელიმე წევრს ვერ ექნება მონოპოლია, თუმცა მინდა გითხრათ, რომ ის დისკუსია, რომელიც გუნდსა და საზოგადოებაში იყო, პოლიტიკური გადაწყვეტილების მიღების დროს გათვალისწინებული იყო", - განაცხდა არჩილ თალაკვაძემ.
