ნაცვლად იმისა, რომ პროფესიონალური რჩევები მოგვცენ, შემოდიან პოლიტიკური შეფასებების ისეთ პლატფორმაზე, სადაც არასამთავრობო ორგანიზაციები არ უნდა იმყოფებოდნენ, - ამის შესახებ პარლამენტის ვიცე-სპიკერმა გია ვოლსკიმ „კოალიცია გამჭვირვალე მართლმსაჯულებისთვის“ დღევანდელ განცხადებასთან დაკავშირებით აღნიშნა.
მისი თქმით, მსჯელობის გარეშე გადაწყვეტილების მიღება არც მანამდე იყო დაგეგმილი და არც ახლა იგეგმება.
არასამთავრობოების განცხადებაზე, რომ უზენაესი სასამართლოს მოსამართლეთა კანდიდატების სია ბიძინა ივანიშვილთან იყო შეთანხმებული, ვოლსკი ამბობს, რომ NGO-ები გამოთქვამენ ისეთ აზრებს, რაც საზოგადოებისთვის დამატებითი საფიქრალისა და პრობლემის შემქმნელია.
„ნაცვლად იმისა, რომ პროფესიონალური რჩევები მოგვცენ, შემოდიან პოლიტიკური შეფასებების ისეთ პლატფორმაზე, სადაც არასამთავრობო ორგანიზაციები არ უნდა იმყოფებოდნენ. რა იციან ვისთან არის სია შეთანხმებული ან რატომ გამოთქვამენ ისეთ აზრებს, რაც საზოგადოებისთვის არის დამატებითი საფიქრალისა და პრობლემის შემქმნელი. პრობლემა არ აკლია ქვეყანას“, - განაცხადა ვოლსკიმ.
