Democracy Index 2018 (დემოკრატიის ინდექსი) ინდექსში, რომელსაც ჟურნალი „ეკონომისტი“ აქვეყნებს, საქართველოს რეიტინგი წინა წლის მონაცემებთან შედარებით გაუარესდა.
აღნიშნული ინდექსის ფარგლებში 2017 წელს საქართველოს 5.93 ქულა ჰქონდა, 2018 წლის ინდექსში ეს მაჩვენებელი 5.50 ქულას შეადგენს.
“საქართველოს დემოკრატიის ინდექსის ვარდნა ყველაზე მკვეთრი იყო რეგიონში. საქართველოს მილიარდერი ყოფილი პრემიერ-მინისტრი ბიძინა ივანიშვილი მაისში პოლიტიკაში დაბრუნდა, განაახლა მმართველი პარტია “ქართული ოცნების” თავმჯდომარეობა და მიუხედავად იმისა, რომ არჩეული თანამდებობა არ უკავია, მთავრობის პოლიტიკა შეცვალა. პრემიერ-მინისტრი გიორგი კვირიკაშვილი ივნისში გადადგა და მისი გადაწყვეტილების მთავარ ინდიკატორად ივანიშვილთან უთანხმოებები დასახელდა. ბიძინა ივანიშვილის გავლენით, მთავრობა ასევე ჩაერია საპრაზიდენტო არჩევნების მეორე ტურში, 600 000 მოქალაქისთვის ვალების ჩამოწერის ინიციატივით. ამან მთავრობას მნიშვნელოვანი უპირატესობა მიანიჭა საარჩევნო კამპანიაში ოპოზიციასთან შედარებით”, – ნათქვამია კვლევაში “დემოკრატიის ინდექსის” შესახებ.
2018 წლის დემოკრატიის ინდექსის მიხედვით, საქართველო, დასავლეთ ბალკანეთთან, უკრაინასთან, მოლდოვასთან, სომხეთთან და ყირგიზეთთან ერთად, ჰიბრიდული რეჟიმების კატეგორიაში რჩება.
