ამ სიტუაციაში განსაკუთრებით საგანგაშოა საბანკო სექტორზე თავდასხმა, რაც საფრთხეს შეუქმნის საფინანსო ინსტიტუტების სტაბილურობას და უკან დახევს ქვეყნის ეკონომიკას, - ამის შესახებ "ევროპული საქართველოს" წევრმა ოთარ კახიძემ "თიბისი ბანკის" საქმესთან დაკავშირებით Facebook-ის პირად გვერდზე წერს.
როგორც კახიძე აღნიშნავს, 10-11 წლის წინანდელი საქმეების ამოქექვა და საბჭოთა სტილის პასკვილების მიძღვნა ბიზნესმენთა დისკრედიტაციის მიზნით, უაღრესად საშიში მოვლენაა.
"ხელისუფლებასთან აფილირებული სააგენტოები თავს ესხმიან თიბისი ბანკს და პროკურატურის მასალებს აფრიალებენ, რაც ღია მუქარად უნდა შეფასდეს.
ივანიშვილის მმართველობის დროს, შემცირდა ეკონომიკური ზრდის ტემპი, მკვეთრად იკლო უცხოურმა ინვესტიციებმა, გაუფასურდა ეროვნული ვალუტა, გაიზარდა ფასები და სიღარიბე.
ამ სიტუაციაში განსაკუთრებით საგანგაშოა საბანკო სექტორზე თავდასხმა, რაც საფრთხეს შეუქმნის საფინანსო ინსტიტუტების სტაბილურობას და უკან დახევს ქვეყნის ეკონომიკას.
ივანიშვილის მუქარა მით უფრო საშიშია, რადგან მის უშუალო დაქვემდებარებაში იმყოფება მართლმსაჯულების სისტემა.
10-11 წლის წინანდელი საქმეების ამოქექვა და საბჭოთა სტილის პასკვილების მიძღვნა ბიზნესმენთა დისკრედიტაციის მიზნით, არის უაღრესად საშიში მოვლენა.
პროკურატურის აღნიშნული მუქარა უკვე დამაზიანებელია ქვეყნისთვის და ხელისუფლების მორიგ მავნებლობას წარმოადგენს, მაგრამ იმედი მაქვს, რომ ეს არ გადაიზრდება საბანკო სისტემის წინააღმდეგ რეალურ სამართლებრივ იერიშში, რაც ძალიან მძიმე შედეგებს მოუტანს სახელმწიფოს", - წერს კახიძე.
ცნობისთვის, პროკურატურის ინფორმაციით, "თიბისი ბანკის" აქტივობებში ფულის გათეთრებისა და სხვა კანონსაწინააღმდეგო ქმედებების ნიშნები იკვეთებოდა.
