ბევრ ადგილას და ბევრ შემთხვევაში დახვდებათ წინ ის, რასაც ახლა ისინი აკეთებენ სასამართლოსთან მიმართებაში, - ამის შესახებ "საქართველოს ახალგაზრდა იურისტთა ასოციაციის" თავმჯდომარე სულხან სალაძემ ხელისუფლების მისამართით განაცხადა.
მისი თქმით, არასამთავრობო ორგანიზაციები არ აპირებენ მხოლოდ ერთი ბრიფინგით შემოიფარგლონ.
"თუ ვინმე ფიქრობს ხელისუფლებაში, რომ ეს ჩვენი დღევანდელი პრესკონფერენცია არის ერთჯერადი ღონისძიება და ამით დავასრულებთ ჩვენს აქტიურობას ამ თემასთან დაკავშირებით ძალიან ცდებიან, ბევრ ადგილას და ბევრ შემთხვევაში დახვდებათ წინ ის, რასაც ახლა ისინი აკეთებენ სასამართლოსთან მიმართებაში", - განაცხადა სალაძემ.
ცნობისთვის, არასამთავრობო ორგანიზაციები საკანონმდებლო ორგანოსგან კატეგორიულად მოითხოვენ, განსაზღვროს მოსამართლეთა შერჩევის კრიტერიუმები.
