თუ უკვე სინოდის საკითხებში აპირებს ჩარევას, თმების მოშვებას სჯობს, რომ წვერი მოუშვას ამ ადამიანმა, - ამის შესახებ დეპუტატმა დავით ჭიჭინაძემ პარლამენტის თავმჯდომარის ირაკლი კობახიძის მისამართით განაცხადა, რომელმაც თქვა, რომ უკრაინის ეკლესიის ავტოკეფალიასთან დაკავშირებით საპატრიარქოსთან კონსულტაციები გაიმართება და მთავრობის პოზიცია ამის შემდეგ გახდება ცნობილი.
დავით ჭიჭინაძის განცხადებით, ირაკლი კობახიძე ზღვარს გადადის.
"მისი განცხადება, რომ თურმე საპატრიარქოსთან ერთად უკრაინის ავტოკეფალიის საკითხს განიხილავს ეს ადამიანი, მე ვფიქრობ მას საკმაოდ ერევა ვექტორები, სად შეიძლება მისი ჩარევა და სად არ შეიძლება. შესაბამისად, თუ უკვე სინოდის საკითხებში აპირებს ჩარევას, თმების მოშვებას სჯობს, რომ წვერი მოუშვას ამ ადამიანმა", - განაცხადა ჭიჭინაძემ.
