ასეთ სისულელეზე სალაპარაკოდ მდარაჯობთ სახლთან? უხერხულია, - ამის შესახებ პარლამენტის იურიდიულ საკითხთა კომიტეტის ყოფილმა თავმჯდომარემ ეკა ბესელიამ რუსთავი 2-ის ჟურნალისტს განუცხადა, რომელმაც მას „ომეგა ჯგუფის“ დამფუძნებლის ზაზა ოქუაშვილისგან ქრთამის აღებაზე ჰკითხა.
რუსთავი 2-ის ინფორმაციით, „კურიერის“ გადამღებმა ჯგუფმა ბესელია სახლთან დააფიქსირა, სადაც ჟურნალისტმა მას რამდენიმე შეკითხვა დაუსვა, თუმცა, ტელეკომპანიის ინფორმაციით, ბესელიამ არც ერთ შეკითხვას არ უპასუხა.
„რასაც ვაპირებ ვიტყვი ხვალ. ამ დავალებით მოხვედით ახლა აქ? ასეთ სისულელეზე სალაპარაკოდ მდარაჯობთ სახლთან? მე დამსდევთ ასე? -უხერხულია“, - განაცხადა ბესელიამ.
ცნობისთვის, რამდენიმე დღის წინ ექსპერტმა გია აბაშიძემ ეკა ბესელიას კორუფციულ გარიგებაში მონაწილეობის შესახებ ინფორმაცია გაავრცელა. აბაშიძის ინფორმაციით, ეკა ბესელიამ დიდი ოდენობით ქრთამი ბიზნესმენ ზაზა ოქუაშვილსგან აიღო, რათა მისი ბიზნესის პრობლემები მოეგვარებინდა და სასამართლოში ლობირება მოეხდინა.
