ეკა ბესელიას ინფორმაციით, პარლამენტის ადამიანის უფლებათა დაცვის კომიტეტის თავმჯდომარის თანამდებობიდან წასვლის თაობაზე მისი განცხადება ბიუროს შემდეგ სხდომას წარედგინება.
ბესელიას განცხადებით, მისი მხრიდან დარჩენილია ფორმალური საკითხების მოგვარება, რამდენიმე საკითხი დასამთავრებელია და ათეულობით კანონპროექტი ხელმოსაწერია.
„დავილაპარაკებთ და შევჯერდებით კომიტეტის თავმჯდომარის მოვალეობას ვინ შეასრულებს, რადგან პროცესს ბოლომდე მიყვანა სჭირდება, რომ კომიტეტის მუშაობას პრობლემა არ შეექმნას”, – განაცხადა ბესელიამ.
შეგახსენებთ, რომ იუსტიციის უმაღლესმა საბჭომ უზენაეს სასამართლოში წარსადგენი მოსამართლეთა 10 კანდიდატურა დაასახელა: მარიამ ცისკაძე, ნინო ქადაგიძე, მიხეილ ჩინჩალაძე, პაატა სილაგაძე, დიმიტრი გვრიტიშვილი, მერაბ გაბინაშვილი, ნინო სანდოძე, თამარ ალანია, გიორგი ტყავაძე და გიორგი მიქაუტაძე.
პარლამენტში სიის გადაგზავნის შემდეგ ეკა ბესელიამ პარლამენტის იურიდიულ საკითხთა კომიტეტის თავმჯდომარის თანამდებობა დატოვა. მისი თქმით, თანამდებობის დატოვებით უზენაესი სასამართლოს მოსამართლეების უვადოდ დანიშვნის პროცესი შეაჩერა.
