მარინა ჯანაშია დღეს 69 წლის გახდა. ქართველი კინოსა და თეატრის მსახიობი მარინა ჯანაშია 1949 წლის 28 დეკემბერს დაიბადა.

მან 1971 წელს დაამთავრა საქართველოს სახელმწიფო თეატრალური ინსტიტუტი. 1968-1980 წლებში იყო შოთა რუსთაველის სახელობის თეატრის მსახიობი; 1980 წელს  კი კოტე მარჯანიშვილის სახელობის თეატრის მსახიობი; 1988 წლიდან  კვლავ შოთა რუსთაველის სახელობის თეატრის მსახიობია.

მონაწილეობდა სპექტაკლებში: "ანტიგონე", "გუშინდელნი", "რომეო და ჯულიეტა", "ბერნარდა ალბას სახლი", "ქალის ტვირთი", "ტარტიუფი", "ოტელო", "ევრიპიდე", "წელიწადში ერთხელ", "ოქრომჭედლის სახელოსნოს წინ"; ფილმებში: "ნუცა", "დოკერი", "დილის ნისლივით", "კუკარაჩა", "მარადისობის კანონი", "ხიდი", "გზის დასაწყისი", "მარტოხელა მონადირე", "ცოდვის შვილები", "ევრიდიკე", "დინოზავრის კვერცხი" და სხვა. კინოსა და თეატრის მსახიობი.

მსახიობი შესანიშნავ ფორმაშია და ამ დროისათვის ორი როლისთვის ემზადება. მარინა ჯანაშია სულ მალე ითამაშებს გოჩა კაპანაძის და რობერტ სტურუას სპექტაკლებში. მსახიობი საკუთარ დაბადების დღეს სწორედ რუსთაველის თეატრში გაატარებს, სადაც სპექტაკლებისთვის აქტიური მზადება მიმდინარეობს.