საზოგადოებრივი მაუწყებლის სამეურვეო საბჭოს დღევანდელ სხდომაზე საბჭოს წევრებმა 2019 წლიდან ჰონორარის გაზრდის საკითხი ერთხმად დაამტკიცეს - ინფორმაციას საზოგადოებრივი მაუწყებლის პირველი არხი ავრცელებს.
საბჭოზე მიღებული გადაწყვეტილების თანახმად, მომავალი წლიდან სამეურვეო საბჭოს თავმჯდომარის ყოველთვიური ჰონორარი 6500 ლარი იქნება, მისი მოადგილის - 4800 ლარი, ხოლო წევრისა - 4200 ლარი.
ამ დრომდე, სამეურვეო საბჭოს თავმჯდომარის ანაზღაურება თვეში 5800 ლარს შეადგენდა, ხოლო წევრისა - 3800 ლარს.
დღევანდელ სხდომაზე, საზოგადოებრივი მაუწყებლის სამეურვეო საბჭოს ჰონორარებისთვის განსაზღვრული თანხიდან, წლის ბოლოსთვის დარჩენილი 27 263 ლარი რვა მეურვეზე ერთჯერადად გადანაწილდა, რამაც თითოეულზე 3 407 ლარს შეადგინა. აღნიშნული საკითხი საბჭოს წევრების მიერ ერთხმად იქნა მიღებული.
