“ვაცხადებ საჯაროდ: ჩემი ხმა ეკუთვნის უკრაინის მართლმადიდებელი ეკლესიის აღიარებას და მათი დიდი სიხარულის თანამონაწილობას”, - ასე ეხმიანება საქართველოს მართლმადიდებელი ეკლესიის ჩრდილოეთ ეპარქიის ეპისკოპოსი მეუფე საბა 27 დეკემბერს დაგეგმილ სინოდის სხდომას და აცხადებს, რომ მხარს უჭერს უკრაინის ეკლესიის ისტორიას.
“ქრისტესმიერ საყვარელნო სულიერო შვილებო! შეუძლებელია არ ხარობდეს შენი გული მილიონობით ადამიანთან ერთად, რომელებიც მოუთმენლად ელოდებიან 6 იანვრის დადგომას, როდესაც საზეიმო ვითარებაში მსოფლიო პატრიარქი-ბართლომეოსი, ახლად არჩეულ უკრაინის მართლმადიდებელი ეკლესიის მეთაურს, მიტროპოლიტ ეპიფანეს, გადასცემს ,,ტომოსს” ავტოკეფალიის აღიარებას. გარკვეული მიზეზების გამო, ვერ ვესწრები 27 დეკემბერს დაგეგმილ წმ. სინოდის კრებას. ამიტომ, ვაცხადებ საჯაროდ: ჩემი ხმა ეკუთვნის უკრაინის მართლმადიდებელი ეკლესიის აღიარებას და მათი დიდი სიხარულის თანამონაწილობას. სიყვარულით ჩრდილოეთ ამერიკის ეპისკოპოსი საბა (ინწკირველი)” – წერს მეუფე საბა სოციალურ ქსელ "ფეისბუკზე".
საქართველოს მართლმადიდებელი ეკლესიის სინოდის სხდომა 27 დეკემბერს გაიმართება. როგორც ვარაუდობენ, სინოდის სხდომაზე განხილული იქნება უკრაინის ეკლესიის აღიარების საკითხი.
