ოფიციალურად დეკლარირებული მონაცემებით, 2010 წლის II კვარტალში საწარმოთა მთლიანმა ბრუნვამ 5736.5 მლნ. ლარი შეადგინა, ხოლო პროდუქციის მთლიანმა გამოშვებამ - 2980.5 მილიონი ლარი.
"საქსტატის" ინფორმაციით მთლიანი ბრუნვა საწარმოს ზომის მიხედვით შემდეგნაირად ნაწილდება: მსხვილი საწარმოები - 83.3 პროცენტი, საშუალო საწარმოები - 8.5 პროცენტი, მცირე საწარმოები - 8.2 პროცენტი.
ოდნავ განსხვავებული მდგომარეობაა პროდუქციის მთლიანი გამოშვების შემთხვევაში: მსხვილი საწარმოები - 81.3 პროცენტი, საშუალო საწარმოები - 9.5 პროცენტი, მცირე საწარმოები - 9.2 პროცენტი.
საწარმოთა მიერ განხორციელებულმა საქონლისა და მომსახურების მთლიანმა ყიდვებმა II კვარტალის განმავლობაში 4199 მლნ. ლარი, ხოლო გადასაყიდად განკუთვნილი საქონლისა და მომსახურების ყიდვებმა - 2770.3 მილიონი ლარი შეადგინა.
საქონლისა და მომსახურების მთლიანი ყიდვები საწარმოს ზომის მიხედვით შემდეგნაირად ნაწილდება: მსხვილი საწარმოები - 84.3 პროცენტი, საშუალო საწარმოები - 8.2 პროცენტი, მცირე საწარმოები - 7.5 პროცენტი.
თითქმის იდენტური ვითარებაა გადასაყიდად განკუთვნილი საქონლისა და მომსახურების ყიდვებზეც: მსხვილი საწარმოები - 86.0 პროცენტი, საშუალო საწარმოები - 7.4 პროცენტი, მცირე საწარმოები - 6.6 პროცენტი.
საწარმოთა მიერ განხორციელებულმა მთლიანმა ინვესტიციებმა ფიქსირებულ კაპიტალში შეადგინა 173.2 მილიონი ლარი, რაც საწარმოთა ზომის მიხედვით შემდეგნაირად ნაწილდება: მსხვილი საწარმოები - 94.5 პროცენტი, საშუალო საწარმოები - 3.5 პროცენტი, მცირე საწარმოები - 2.0 პროცენტი.
საწარმოებში დასაქმებულთა მთლიანმა რაოდენობამ 371341 პირი შეადგინა, რომელთაგან 41.3 პროცენტი ქალია, ხოლო 58.7 პროცენტი - კაცი.
დასაქმებულთა მთლიანი რაოდენობა საწარმოს ზომის მიხედვით შემდეგნაირად ნაწილდება: მსხვილი საწარმოები - 58.7 პროცენტი, საშუალო საწარმოები - 19.7 პროცენტი, მცირე საწარმოები - 21.6 პროცენტი.
2010 წლის II კავრტალში საწარმოებში დაქირავებულთა მთლიანმა რაოდენობამ 354919 პირი შეადგინა, რომელთაგან 42 პროცენტი ქალია, ხოლო 58 პროცენტი - კაცი.
დაქირავებულთა მთლიანი რაოდენობა საწარმოს ზომის მიხედვით შემდეგნაირად ნაწილდება: მსხვილი საწარმოები - 61.3 პროცენტი, საშუალო საწარმოები - 20.4 პროცენტი, მცირე საწარმოები - 18.3 პროცენტი.
საწარმოთა მთლიანმა დანახარჯებმა პერსონალზე 650.9 მილიონი ლარი შეადგინა, რომლის განაწილება საწარმოთა ზომის მიხედვით შემდეგია: მსხვილი საწარმოები - 75.9 პროცენტი, საშუალო საწარმოები - 14.2 პროცენტი, მცირე საწარმოები - 9.9 პროცენტი.
საშუალო თვიურმა ხელფასმა ბიზნეს სექტორში 600.6 ლარი შეადგინა, მათ შორის ქალების - 434.7 ლარი. საწარმოთა ზომის მიხედვით საშუალო თვიური ხელფასი შემდეგნაირია: მსხვილი საწარმოები - 739.9 ლარი, საშუალო საწარმოები - 424.0 ლარი, მცირე საწარმოები - 331.5 ლარი.