რაც თქვენ დაინიშნეთ ბატონო გიორგი, საკმაოდ ბევრი რთული გამოწვევა მიიღო შინაგან საქმეთა სამინისტრომ და თქვენ ეს გაიარეთ ღირსეულად, - ასე მიმართა საპარლამენტო უმრავლესობის წევრმა ნუკრი ქანთარიამ შინაგან საქმეთა მინისტრ გიორგი გახარიას პარლამენტში.
მისი თქმით, ეს საზოგადოების საკმაოდ დიდი ნაწილის აზრია.
"ყოველგვარი გადაჭარბების გარეშე მინდა ვთქვა, ბატონო გიორგი, რომ რაც თქვენ დაინიშნეთ, საკმაოდ ბევრი რთული გამოწვევა მიიღო შინაგან საქმეთა სამინისტრომ და სასახელოდ უნდა ითქვას, რომ ეს გაიარეთ ღირსეულად. ეს საზოგადოების საკმაოდ დიდი ნაწილის აზრი გახლავთ, რაც არ იყო რა თქმა უნდა ადვილი და მეც მინდა შევუერთდე და თანადგომა გამოგიცხადოთ ამ თმენისთვის, მშვიდობისთვის, სიმტკიცისთვის ამავე დროს, იმიტომ, რომ მართლა ძნელი იყო იმ აგრესიასთან შეგუება ალბათ", - მიმართა ქანთარიამ გახარიას.
