"ევროპული საქართველოს" ლიდერის, გიგი უგულავას მტკიცებით, 2 დეკემბრის აქციაზე დეპუტატ თამარ ხულორდავას ავტომობილი პროვოკატორმა დააზიანა.
მან დღეს ვიდეომასალა წარმოადგინა, სადაც მისივე თქმით, ჩანს თუ როგორ ცდილობს დღემდე არაიდენტიფიცირებული პირი 2 დეკემბრის აქციაზე პროვოკაციის მოწყობას და იგივე პირი როგორ აზიანებს თელავში ინაუგურაციის დღეს ხულორდავას ავტომობილს.
"როდესაც ჩვენ ვხედავთ რომ ოპოზიიციის ლიდერებზე ანალოგიურ შემთხვევაში პატიმრობაა გამოყენებული როგორც აღკვეთი ღონისძიება, გამართლებად არ შეიძლება ჩაითვალოს ის ფაქტი, რომ ეს ადამიანი შეიძლება ექსცენტრიულია. მაღალი ალბათობით ამ პირს ადგილობრივი სუსი იყენებს როგორც პროვოკატორს. ამ ფაქტის დადგენა არის მნიშვნელოვანი ბევრი რამისთვის.
პირველ რიგში იმისთვის, რომ კიდევ ერთხელ წარმოჩინდეს ის ორმაგი სტანდარტი და ის ორმაგი სახე მართმსაჯულების სადაც ჩვენ გვეუბნებიან რომ თქვენთვის არაფერი არ არის და შესაძლებელია თქვენ პრაქტიკუალდ ხართ მეორეხარისოსოვანი მოქალაქეები და კანონი თქვენზე მთელი სიმკაცრით გვჭირდება. და ის ადამიანები, რომლებიც პროვოკატორები, მოგზავნილნი არიან ხელისუფლების მხრიდან და მათზე არაფერი არ ვრცელდება, არ მიიღება არგუმენტად რომ იმ ადამიანს რაღაც ტიპის პრობლემები აქვს.
"ქართული ოცნება" თელავის ინციდენტს ქვეყნის შიგნით და ქვეყნის გარეთ იყენებს ოპოზიციის დისკრეტიზაციისთვის. ჩვენ ვნახეთ ძარღვებდაბერილი ბევრი ოცნების დეპუტატი მამაკაცი რომელიც გულზე მჯიღს ირტყავდა და ქალბატონების დაცვის ეგიდით ათას ტირადას საუბრობდა.
დღეს მოდის შს მინისტრი ბატონი გახარია პარლამენტში და კეთილი უნდა ინებოს და განმარტოს, რატომ ხდება შერჩევითი სამართალი და რატომ ისჯებიან ადამიანები ერთი და იგივე ქმედებისთვის. ერთი ადამიანი ისჯება და მეორე არ ისჯება, ეს არის მნიშვნელოვანი", - განაცხადა უგულავამ.
