ხორავას ქუჩაზე მოკლული დავით სარალიძის მამა ზაზა სარალიძე პარლამენტში მივიდა.
მისი თქმით, თუ მოახერხა, სურს რომ შს მინისტრ გიორგი გახარიას პირადად მოუსმინოს.
როგორც სარალიძემ აღნიშნა, მისი შვილის მკვლელობის საქმე უნდა გაიხსნას და არსებულ კითხვებს პასუხი უნდა გაეცეს.
„მე პირადად ბევრი კითხვა მაქვს ბატონ გახარიასთან და უფრო მეტი კითხვა მაქვს ბატონ თადუმაძესთან, რომელთანაც გაგზავნილი მაქვს ღია შეტყობინება, რომ მსურს მასთან შეხვედრა, მაგრამ ფაქტია, გვემალება და არ გვეხმაურება“, – განაცხადა სარალიძემ.
ცნობისთვის, შინაგან საქმეთა მინისტრი გიორგი გახარია პარლამენტში დღეს მოუსმენენ.
