საქართველომ მიიღო უფლება 2022 წელს უმასპინძლოს ევროპალიის ფესტივალს - ეს არის არის უაღრესად მნიშვნელოვანი კულტურული ღონისძიება, შეიძლება ითქვას, რომ ფრანკფურტის დარი მნიშვნელოვანი ღონისძიება, რომელშიც საქართველოს ევროპულ დედაქალაქად წოდებულ ბრიუსელსა და ბელგიის სხვა ქალაქებში ექნება შესაძლებლობა, გარკვეული პერიოდის განმავლობაში უმასპინძლოს მნიშვნელოვან კულტურულ ღონისძიებებს, - ამის შესახებ საქართველოს საგარეო საქმეთა მინისტრმა დავით ზალკალიანმა განაცხადა.
მისი თქმით, ეს არის უაღრესად მნიშვნელოვანი ნაბიჯი, გამომდინარე იქედან, რომ მსგავსი ღონისძიება ხელს უწყობს ქვეყნის პოპულარიზაციას, ცნობადობის ამაღლებას, ქვეყნის ღირებულებების, კულტურის, ფასეულობების ძალიან აქტიურად წარმოჩენას ევროკავშირში და ძალიან მნიშვნელოვანია, რომ საქართველო ამ შესაძლებლობას იყენებს.
„გვქონდა ფრანკფურტის ბაზრობა, გვექნება ევროპალია, შესაძლებელია მათ შორის არა ამ მასშტაბის, მაგრამ მცირე ზონის ღონისძიებებიც დაიგეგმოს და ესეც არის ერთ-ერთი პრიორიტეტი, რაც ჩვენი სტრატეგიული კომუნიკაციის ჩარჩოში ჯდება“,- განაცხადა ზალკალიანმა.
