„ნაციონალური მოძრაობის“ წევრი სალომე სამადაშვილი ფიქრობს, რომ პაატა ბურჭულაძემ საზოგადოებას ბოდიში უნდა მოუხადოს.
სამადაშვილის განცხადებით, მისთვის ბურჭულაძესთან თანამშრომლობა მიუღებელია.
„მიუღებელია, რომ პაატა ბურჭულაძე დათანხმდა ღონისძიებაში მონაწილეობას. თუ მას სურს, პოლიტიკური საქმიანობის გაგრძელება, უნდა ესმოდეს, რომ მსგავს გადაწყვეტილებას აქვს პოლიტიკური კონიუნქტურა. მის ადგილზე, პირველ რიგში, ავხსნიდი მომხდარს. ვფიქრობ, საზოგადოება მისგან იმსახურებს ბოდიშს. მე არ ვიღებ გადაწყვეტილებას პარტიის სახელით, თუმცა ჩემთვის პირადად მიუღებელია მასთან თანამშრომლობა”, – განაცხადა სამადაშვილმა.
ცნობისთვის, პაატა ბურჭულაძემ რუსეთში იმ კონცერტზე იმღერა, რომელსაც ვლადიმერ პუტინი ესწრებოდა.
