ეკონომიკისა და მდგრადი განვითარების სამინისტრომ პრივატიზების ერთწლიანი რეჟიმი შეწყვიტა. შესაბამისი გადაწყვეტილებასთან დაკავშირებით მინისტრმა, ვერა ქობალიამ 6 სექტემბერს #1-1/1483 ბრძანება გამოსცა.
მინისტრის მიერ დადგენილი ახალი წესის მიხედვით სავალდებული არ არის აუქციონზე არარეალიზებული ქონების ხელახალ აუქციონზე გატანის ერთწლიანი რეჟიმის შენარჩუნება.
არარეალიზებულ ქონებას სამინისტრიო თავისი შეხედულებისამებრ, იმ დროს გამოტანს გასაყიდად როდესაც ამას საჭიროდ ჩათვლის.
დღემდე მოქმედი წესების მიხედვით, აქამდე თუ აუქციონზე ესა თუ ის ობიექტი არ გაიყიდებოდა, ის ერთი წლის განმავლობაში სამინისტროს საპრივატიზაციო ნუსხაში რჩებოდა და ერთი წლის განმავლობაში მსურველის განაცხადის შეტანის შემდეგ სამინისტრო ობიექტს აუქციონზე ისევ გამოიტანდა.
ახალი წესის მიხედვით კი გაუყიდავი ქონების ბედს უშუალოდ სამინისტრო და მინისტრი გადაწყვეტს და თავად განსაზღვრავს როდის გამოიტანოს ესა თუ ის ობიექტი ხელმეორედ საპრივატიზაციოდ.
ექსპერტები აცხადებენ, რომ ეს წესი პონეტციური ინვეტსორებისთვის გარკვეული ხელისშემშლელი შეიძლება გახდეს, რადგან ცალკეულ სემთხვევაში ბიზესის წარმომადგენლებს მოუწევთ უშუალო კონტაქტში შესვლა სამინისტროს წარმოამადგენლებთან და დამატებით ბიუროკრატიული ბარიერების გადალახვა.
არც ის გამორიცხება, რომ ასეთი წესის შემთხვევაში ცალკეული ობიექტების დაბალ ფასად გაყიდვის საკითხი გარკვეული გარიგებების საგანიც გახდეს, მით უფრო იმის გათვალისწინებით, რომ ადრე მოქმედი წესი არანაირად არ წარმოადგენდა პრივატიზაციის პროცესის შემაფერხებელ ფაქტორს.
