როდესაც ოთახის კარი არის ღია და შენ ამ ოთახში შეღწევას კედლიდან ცდილობ, ამას რბილად შეიძლება პროვოკაცია დაარქვა, - ამის შესახებ ფრაქცია „ქართული ოცნების“ თავმჯდომარე მამუკა მდინარაძემ სოფელ ველისციხეში განვითარებულ მოვლენებთან დაკავშირებით განაცხადა.
მისი თქმით, ოპოზიცია მიდის შეგნებულ პროვოკაციაზე და სახელმწიფო მათ გასცემს პასუხს.
„არც ვიცი, რა სიტყვა დავარქვა, რომ პოლიტკორექტულობა შევინარჩუნო. მათ ძალიან კარგად იცოდნენ, რომ ერთი გზა არის გახსნილი, ამ გზით ესარგებლათ, მაგრამ შეგნებულად საკუთარი პროვოკაციული გეგმების განსახორციელებლად წავიდნენ იმ გზით, რომელიც იყო დაკეტილი.
ისინი ცდილობენ პოლიციას მიაყენონ შეურაცხყოფა. მე მათ ვურჩევ, რომ პოლიციის შეურაცხყოფისგან თავი შეიკავონ. სახელმწიფო იქნება მკაცრი და ადექვატური, როგორც ეს მისი ვალდებულებაა. ისინი მიდიან შეგნებულ პროვოკაციაზე და სახელმწიფო მათ გასცემს პასუხს“, - განაცხადა მდინარაძემ.
