გურჯაანის მუნიციპალიტეტში, სოფელ ველისციხესთან „ნაციონალური მოძრაობის“ ლიდერ ნიკა მელიასა და საპატრულო პოლიციის დეპარტამენტის უფროს თეიმურაზ კუპატაძეს შორის დაპირისპირება მოხდა.
დაპირისპირების მიზეზი პოლიციის მხრიდან გზის გადაკეტვა გახდა. ნიკა მელია თეიმურაზ კუპატაძესა და სამართალდამცველებს გზის გახსნისკენ მოუწოდებდა, რა დროსაც, მათ შორის შეხლა-შემოხლა მოხდა.
ამ დროისთვის, აქციის მონაწილეები გზის გახსნას ცდილობენ.
როგორც გაერთიანებული ოპოზიციის „ძალა ერთობაშია“ წარმომადგენლები აცხადებენ, ისინი თელავში ჩასვლას ნებისმიერი გზით მაინც მოახერხებენ.
თავად სამართალდამცველების განცხადებით, აქციის მონაწილეებს გადაადგილება ყვარლის გზით შეუძლიათ, თუმცა, გაერთიანებული ოპოზიციის ლიდერი გრიგოლ ვაშაძე ამბობს, რომ ყვარლის გზაც გადაკეტილია.
