რაჭაში რთველი ოფიციალურად 25 სექტემბრიდან დაიწყება, ამის შესახებ სააგენტო "ჯი-ეიჩ-ენს" პრეზიდენტის რწმუნებულმა რაჭა-ლეჩხუმის მხარეში დავით გაგოშიძემ განუცხადა.
გაგოშიძის განმარტებით, რაჭაში წელს 600 ტონა ალექსანდროულისა და მუჯირეთულის ჯიშის ყურძნის მოსავალს ელოდებიან, რაც გასული წლის მოსავალთან შედარებით 15 %-ით ნაკლებია.
გაგოშიძე აცხადებს, რომ ყურძნის მისაღებად რეგიონში მდებარე ოთხივე საწარმო მზადაა, თუმცა ხვანჭკარის შეძენა სხვადასხვა ფირმებსაც სურთ, რომლებიც რაჭაში სპეციალურად, ასეთი უნიკალური ჯიშის ყურძნის შესაძენად ადიან.
წინასწარი ინფორმაციით 1 კილოგრამი ასეთი უნიკალურ ჯიშის ყურძენი 3 ლარი ეღირება.
