საქართველოს სოფლის მეურნეობის მინისტრი ბაკურ კვეზერელი პირობას დებს, რომ ყურძენი დაუბინავებელი არ დარჩება. შესაბამისი განცხადება მინისტრმა "რთველი 2010"-ის საკოორდინაციო შტაბის გახნისას გააკეთა.
"ღვინის ქარხნებთან არ იქნება რიგები, რადგან რთველი კოორდინირებულად მიმდინარეობს. მთავრობის განკარგულებით, რთველის სუბსიდირებისათვის მთავრობის სარეზერვო ფონდიდან 6,1 მილიონი ლარია გამოყოფილი. მევენახეებს სუბსიდიის მიღება ყურძნის ჩაბარებიდან სამი თვის განმავლობაში შეუძლიათ. საწარმოს მიერ გადახდილ თანხას კი ისინი ადგილზე მიიღებენ. რაც შეეხება ჰიბრიდული ჯიშის ყურძენს, ზოგიერთი ღვინის ქარხანა აპირებს მის მიღებას", - განაცხადა კვეზერელმა.
