შეიძლება იყოს გარკვეული პროვოკაციები, თუმცა ამას შევხვდებით სათანადოდ, ისე, როგორც საჭიროა და იმ სტილით, რომელიც ჩვენ დავნერგეთ 2012 წლის შემდეგ, აქედან გამომდინარე, რაიმე პრობლემას არ ველოდები თელავში, – ამის შესახებ საქართველოს პარლამენტის თავმჯდომარე ირაკლი კობახიძემ გაერთიანებული ოპოზიციის მიერ თელავში ინაუგურაციის დღეს დაგეგმილ აქციასთან დაკავშირებით განაცხადა.
მისი თქმით, პროვოკაციების მოწყობა „ნაციონალური მოძრაობის“ ხელწერაა.
მისივე ინფორმაციით, ინაუგურაციის შემდეგ პრეზიდენტი ათონელის რეზიდენციაში იმუშავებს.
„მთავრობის ადმინისტრაცია მუშაობს და დარწმუნებული ვარ, რომ სათანადო დროს იქნება უზრუნველყოფილი სასახლის გადაცემა პრეზიდენტისთვის”, – განაცხადა კობახიძემ.