პოლიტიკური მესიჯი, რაც მე მინდა გავაჟღერო გრიგოლ ვაშაძესთან შეხვედრაზე და რაზეც სხვა პოლიტიკოსებთანაც ვისაუბრე, არის ის, რომ არჩევნები არის გამყოფი და მაღლა წევს პოლიტიკურ ტემპერატურას, მაგრამ ახლა დროა, ქვეყანა გაერთიანდეს, ყველა პოლიტიკურმა პარტიამ პატივი სცეს ერთმანეთს, - ამის შესახებ კავკასიასა და ცენტრალურ აზიაში ნატო-ს გენერალური მდივნის სპეციალურმა წარმომადგენელმა ჯეიმს აპატურაიმ გაერთიანებული ოპოზიციის ერთ-ერთ ლიდერთან, გრიგოლ ვაშაძესთან შეხვედრამდე განაცხადა.
მისი თქმით, ნატო-ს მოკავშირეებს სჯერათ, რომ საზოგადოების ყველა წევრი უნდა გაერთიანდეს.
„მე მაინტერესებს მისი აზრი, რადგან უკვე მოვისმინე სხვა მხარის მოსაზრება. ნატო-ს მოკავშირეებს სჯერათ, რომ საზოგადოების ყველა წევრი უნდა გაერთიანდეს. სწორედ ამიტომ ვაპირებ შეხვედრას არასამთავრობო სექტორთანაც, მათ შორის, მათთან, ვინც უმცირესობასთან მუშაობს. ჩვენ საზოგადოების ყველა ნაწილს უნდა მოვუსმინოთ“, – განაცხადა აპატურაიმ.
ცნობისთვის, ჯეიმს აპატურაი ოფიციალური ვიზიტით საქართველოში იმყოფება.
