საპრეზიდენტო არჩევნების საბოლოო შეფასება იყო პოზიტიური, - ამის შესახებ სამხრეთ კავკასიასა და ცენტრალურ აზიაში ნატო-ს გენერალური მდივნის სპეციალურმა წარმომადგენელმა ჯეიმს აპატურაიმ 2018 წლის საპრეზიდენტო არჩევნებთან დაკავშირებით განაცხადა.
მისი თქმით, არჩევნები როგორც ნატო-ს, აგრეთვე სხვა საერთაშორისო ორგანიზაციების მიერ, ეუთო-ს ჩათვლით, შეფასდა როგორც ღია და სამართლიანი.
„თუმცა არსებობდა გარკვეული კრიტიკა, მაღალი პოლიტიკური რიტორიკის მიმართ და ჩვენ ეს დავინახეთ. არსებობდა მშვიდი პოლიტიკური გარემოს შექმნის მოთხოვნა და ვიმედოვნებთ, მომავალ არჩევნებზე ეს მოხდება, თუმცა საბოლოო შეფასება იყო პოზიტიური“, – განაცხადა ჯეიმს აპატურაიმ.
ცნობისთვის, ჯეიმს აპატურაი საქართველოს დღეს ოფიციალური ვიზიტით ეწვია.
