11 დეკემბერს, 12:00 საათზე, ლოლიტას საკონფერენციო დარბაზში გაიმართება საქართველოს პოლიტიკური პარტიების გენდერული რანგირების კვლევის პრეზენტაცია.
პრეზენტაციაზე მოწვეულნი არიან პოლიტიკური პარტიების ლიდერები, პარლამენტის წევრები, საერთაშორისო და ადგილობრივი ორგანიზაციების, ცენტრალური საარჩევნო კომისიის, და საქართველოში აკრედიტებული საელჩოების წარმომადგენლები.
პოლიტიკური პარტიების გენდერული თანასწორობის ინდექსი პარტიებს სამი ძირითადი განზომილებით აფასებს - საარჩევნო, ინსტიტუციური და პროგრამული. თითოეული განზომილება მოიცავს ინდიკატორების ერთობლიობას, რომელთაც მინიჭებული აქვთ კონკრეტული ქულა და მათი ერთობლიობა შემდგომში, პარტიებში გენდერული თანასწორობის ინდექსის შექმნის შესაძლებლობას იძლევა. საქართველოს პოლიტიკური პარტიების გენდერული რანგირება პირველად 2014 წელს ჩატარდა. წინამდებარე კვლევა მესამე რანგირებას წარმოადგენს, რომელიც 2017 წელს მოიცავს.
აღმოსავლეთ ევროპის ცენტრი მრავალპარტიული დემოკრატიისთვის (EECMD) ნიდერლანდების მრავალპარტიული დემოკრატიის ინსტიტუტის (NIMD) რეგიონული წარმომადგენლობის ბაზაზე შეიქმნა და აგრძელებს მის საქმიანობას.
