საგარეო დაზვერვის სპეციალიური სამსახურის უფროსის, გელა ბეჟუაშვილის განცხადებით, რუსეთის მხრიდან პანკისის მიმართულებით საფრთხე ამ ეტაპზე არ არსებობს. ამის შესახებ ბეჟუაშვილმა "ჯი-ეიჩ-ენთან" საუბარში განაცხადა.
"ჩვენი მონაცემებით, ამ ეტაპზე რუსეთის მხრიან პანკისის ხეობის მიმართულებით არანაირი საფრთხე არ არსებობს, თუმცა საქართველო მაინც ფრთხილად უნდა იყოს. მინდა გითხრათ რომ რუსეთს აქვს ახალი სტრატეგია არჩეული, რომელიც გულისხმობს იმ გაუთავებელ და უსაფუძვვლო ბრალდებების, რაც ბოლო დროს ჩვენი ქვყენის მიმართ ისმის", - განაცხადა ბეჟუაშვილმა "ჯი-ეიჩ-ენთან" საუბრისას.
მისივე თქმით, რუსეთი ცდილობს საქართველოს მიმართ ახალ - ახალი ბრალდებები მოიგონოს, რომ საერთაშორისო თანამეგობრობის წინაშე თავის მართლების რეჟიმში ჩააყენოს ქართული მხარე.
შეგახსენებთ, რომ რუსეთის ფედერაციის შსს-ს წარმომადგენელების განცხადებით, საქართველოში ბოევიკების ბანაკებია შექმნილი, სადაც ტერორისტების მომზადება მიმდინარეობს.
