პრეზიდენტის ინაუგურაციის საკითხებთან დაკავშირებით მთავრობის ადმინისტრაციაში შეხვედრა მიმდინარეობს.
შეხვედრაში მთავრობის ადმინისტრაციის ხელმძღვანელი კახა კახიშვილი, სალომე ზურაბიშვილის წარმომადგენელი ლაშა ჟვანია, ფინანსთა მინისტრის მოადგილე ცოტნე ყავლაშვილი, საგარეო საქმეთა მინისტრის მოადგილე ხათუნა თოთლაძე, რეგიონული განვითარების საკითხებში პრემიერ-მინისტრის მრჩეველი სოზარ სუბარი მონაწილეობენ.
შეხვედრაზე ასევე იმყოფებიან რეჟისორები ბასა ფოცხიშვილი და ნიკოლოზ შველიძე, მხატვარი თამარ ფოცხიშვილი.
ცნობისთვის, პრეზიდენტის ინაუგურაცია 16 დეკემბერს, თელავში გაიმართება.
