გრიგოლ ვაშაძე, რომელიც ანგარიშს უწევს საერთაშორისო თანამეგობრობას, სახელმწიფოს პერსპექტივებს, მაშველ რგოლს ესვრის ივანიშვილს და ამ ხელისუფლებას, რომ მოვიდნენ გონს და იქნებ, ზომიერ პოლიტიკურ ჩარჩოებში დავტოვოთ ეს პროცესი, რომ არ გადავიდეს ქუჩაში, - განაცხადა ედპ-ს ლიდერმა ბაჩუკი ქარდავამ გადაცემა „არჩევანში“.
ქარდავა არჩევნების გაყალბების მასშტაბებზე საუბრობს და ამბობს, რომ ადამიანები, რომელიც მოატყუა ოცნებამ, ოდესმე საკუთარ დამოკიდებულებას აუცილებლად გამოხატავენ.
„შეიძლება ერთი თვე, ორი თვე მოითმინოს ამ საზოგადოებამ, როდესაც გრძნობს, რომ მას მიაყენეს შეურაცხყოფა. მაგრამ ერთ მშვენიერი დღეს, შეიძლება სულ სხვა მიზეზით, სულ სხვა საბაბით ეს ადამიანები აუცილებლად აფეთქდებიან. ამ შემთხვევაში ჩვენ კი არ ვეხვეწებით ვინმეს დიალოგს ჩვენი ინტერესებიდან გამომდინარე, ამ შემთხვევაში გაერთიანებული ოპოზიცია და მისი კონსტრუქციული ლიდერი და ამ არჩევნებში გამარჯვებული კანდიდატი, გრიგოლ ვაშაძე, რომელიც ანგარიშს უწევს საერთაშორისო თანამეგობრობას, სახელმწიფოს პერსპექტივებს, მაშველ რგოლს ესვრის ივანიშვილს და ამ ხელისუფლებას, რომ მოვიდნენ გონს და იქნებ, ზომიერ პოლიტიკურ ჩარჩოებში დავტოვოთ ეს პროცესი, რომ არ გადავიდეს ქუჩაში“, - განაცხადა ქარდავამ.
