გაერთიანებული ოპოზიციის საპრეზიდენტო არჩევნებში დამარცხებული კანდიდატი გრიგოლ ვაშაძე აცხადებს, რომ არჩევნების შედეგებს არასდროს აღიარებს და გაერთიანებული ოპოზიცია ხელისუფლებას ძალიან საინტერესო სიურპრიზებს მოუმზადებენ.
მისი თქმით, არავითარი სისხლისღვრა არ იქნება და მათი პროტესტი საქართველოს კანონმდებლობისა და ადამიანის უფლებების საყოველთაო დეკლარაციის ფარგლებში დარჩება.
„ბერკეტები ჩვენ გვაქვს 800 ათასზე მეტი საქართველოს მოქალაქის ხმა და ამაზე მეტი ქმედით ბერკეტი ბუნებაში არ არსებობს. ამ ხელისუფლებას, უპირველეს ყოველისა, ეშინია და ყველაზე უფრო მეტად უფრთხის, საქართველოს მოქალაქეს და მის ხმას. მეორე მნიშვნელოვანი ის არის ის რომ, ჩვენ როდესაც ხელისუფლებას მივმართავთ, თუ გნებავთ ე.წ. ხელისუფლებას და ამ შეთავაზებას ვაკეთებთ, გვინდა კიდევ ერთხელ დავანახოთ საერთაშორისო საზოგადოებას, რომ ჯერ ერთი, მთელი ოთხთვიანი პროპაგანდა იმაზე, რომ მოვა გაერთიანებული ოპოზიცია, რომელსაც ე.წ. ხელისუფლება ჯიუტად მოიხსენებს, როგორც მხოლოდ და მხოლოდ „ნაციონალური მოძრაობას“, დაიწყება არეულობა, რომელიღაც წარმომადგენელმა სიტყვა სისხლისღვრაც იხმარა. არავითარი სისხლისღვრა არ იქნება. ჩვენ ვაპირებთ კონსტიტუციის, საქართველოს კანონმდებლობის და ადამიანის უფლებების საყოველთაო დეკლარაციის ფარგლებში დარჩენას მუდამ. პროტესტს, რომელიც კანონით არის დაშვებული აქვს ათასგვარი ფორმა და ძალიან საინტერესო სიურპრიზებს მოვუმზადებთ ამ ე.წ. ხელისუფლებას და კიდევ გაერთიანებული ოპოზიციას მოთხოვნებს, რომელიც მე ჩამოვთვალე ემატება კიდევ სხვა პარტიის ხმები და ამაში თქვენ ძალიან მალე დარწმუნდებით“, - განაცხადა გრიგოლ ვაშაძემ.
