მაჟორიტარი, რომელიც ბოლოს და ბოლოს, როგორც წესი, შევხედოთ სიმართლეს თვალებში, მოდის თავისი ფულით და თავისი ბიზნესინტერესების დასაცავად, - განაცხადა გაერთიანებული ოპოზიციის საპრეზიდენტო არჩევნებში დამარცხებულმა კანდიდატმა, გრიგოლ ვაშაძემ. მან ეს განცხადება რუსთავში გააკეთა, სადაც ის თავის ამომრჩეველს შეხვდა და სამოქმედო გეგმა გააცნო.
ვაშაძის თქმით, მაჟორიტარი საბოლოოდ ყალიბდება, როგორც ბელადი, ადგილობრივი ინდიელებისა, იმ რეგიონში, სადაც მას ხელისუფლება ნიშნავს და ყველაფერი ეს გადადის მერე უკანონობაში.
„ვიმეორებ უკვე მესამე დღეა. ვადამდელი საპარლამენტო არჩევნები, საარჩევნო ადმინისტრაციის ტოტალური შეცვლა და ახალი წესით დაკომპლექტება, რომელშიც პარიტეტული საწყისები იქნება ჩართული, რა თქმა უნდა, ისინიც, ვინც დღეს ხელისუფლებაში იმყოფებიან, პოლიტიკური პარტიები და აუცილებლად სამოქალაქო საზოგადოება. აუცილებლად გაუქმება საოლქო საარჩევნო კომისიების, რომელიც არაფერი არ არის თუ არა გაყალბების კიდევ ერთ მექანიზმი და აუცილებლად, გადასვლა პროპორციულ ან პროპორციულ/რეგიონალურ სისტემაზე. იმიტომ რომ მაჟორიტარი, რომელიც ბოლოს და ბოლოს, როგორც წესი, შევხედოთ სიმართლეს თვალებში, მოდის თავისი ფულით და თავისი ბიზნესინტერესების დასაცავად. იმ ხალხს არავითარი სხვა ინტერესი არ აქვს და არავითარ კანონპროექტის გამომუშავებაში და ქვეყნის კურსის განსაზღვრაში მონაწილეობის მიღებას არ აპირებენ. საბოლოოდ ყალიბდება, როგორც ბელადი, ადგილობრივი ინდიელებისა, იმ რეგიონში, სადაც მას ხელისუფლება ნიშნავს და ყველაფერი ეს გადადის მერე უკანონობაში. ეს უნდა მორჩეს იმიტომ , რომ ჩვენ თუ გვინდა მყარი პოლიტიკური სისტემა, მყარ პოლიტიკურ სისტემას სჭირდება მყარი, მოუსყიდავი, პარტიული სისტემა“, - განაცხადა ვაშაძემ.
