მე ვსვამ კითხვებს და ვითხოვ პასუხებს ამ კითხვებზე! მალე გაცილებით მეტ კითხვას დავსვამ,- ამის შესახე “პატრიოტთა ალიანსის” ლიდერი, დეპუტატი ირმა ინაშვილი სოციალურ ქსელში წერს.
“როცა ვსაუბრობ საარჩევნო-პოლიტიკურ აფერისტობაზე, ვითხოვ, პირველ რიგში, ტექნოლოგიის გამოძიებას, რაც აშკარად შეიცავს კითხვის ნიშნებს! და გნებავთ, დანაშაულის ნიშნებსაც! ეს ერთი.
ახლა “ქართული ოცნების” ზოგიერთი დეპუტატის საყურადღებოდ ვწერ: მე ვსვამ კითხვებს და ვითხოვ პასუხებს ამ კითხვებზე! მალე გაცილებით მეტ კითხვას დავსვამ.
ჯარზე ჩემს კითხვას კვლავ ძალაში ვტოვებ! და არა მარტო თავდაცვის მინისტრის პასუხისმგებლობის საკითხს ვაყენებ, არამედ გენშტაბის მთელი შემადგენლობის საქმიანობის შესასწავლად მალე სპეციალურ კომისიას შევქმნით.
კითხვების ნაწილს რომ დავუბრუნდეთ: მაგ. როგორ ხდება, რომ საბერძნეთში, სადაც ქართველების უმრავლესობა ეწინააღმდეგება ნაცმოძრაობას, იგებს ვაშაძე? ეს როგორ ხდება?! კიდევ სხვა ქვეყნებსაც დავასახელებ, მაგრამ საბერძნეთით დავიწყოთ.
დღევანდელ ბრიფინგზე, ვფიქრობ, ყველა კითხვა მარტივად დავსვი. ვითხოვ, გამოძიების დაწყებას, თორემ, რასაც ვაკვირდები, საქართველოში არასდროს ეს ტყუილი არ დამთავრდება”, – წერს ირმა ინაშვილი.
