პირველ რიგში დემოკრატია მოითხოვს, რომ აღიარებული იყოს არჩეული პრეზიდენტი, - ამის შესახებ საქართველოს საპრეზიდენტო არჩევნებში გამარჯვებულმა სალომე ზურაბიშვილმა გაერთიანებული ოპოზიციის ულტიმატუმებთან დაკავშირებით განაცხადა.
მისი თქმით, ჯერ არ არის ულტიმატუმების დრო.
„პირველ რიგში დემოკრატია მოითხოვს, რომ აღიარებული იყოს არჩეული პრეზიდენტი, გადავიდეთ ახალ რეჟიმზე, დაწყნარდეს პოლიტიკური გარემო, დაპირისპირება დავაწყნაროთ და გადავიდეთ სამუშაო რეჟიმში. როგორი იქნება ეს რეჟიმი, შემდეგ იქნება გადასაწყვეტი და ამაზე მე ვიმუშავებ, პირობა დავდე ჩემი თავის წინაშე”, – განაცხადა სალომე ზურაბიშვილმა.
ცნობისთვის, გაერთიანებული ოპოზიცია მმართველ პარტიას ულტიმატუმს უყენებს და საპრეზიდენტო არჩევნების შედეგების გაუქმებას, ვადამდელ საპარლამენტო არჩევნების დანიშვნას და პროპორციულ საარჩევნო სისტემაზე გადასვლას ითხოვს.
