ინაუგურაციის ადგილზე არანაირი გადაწყვეტილება არ არის მიღებული, - ამის შესახებ საპრეზიდენტო არჩევნებში გამარჯვებულმა სალომე ზურაბიშვილმა განაცხადა.
მისი თქმით, ინაუგურაციის ჩასატარებლად რამდენიმე ვარიანტი, მათ შორის თბილისი განიხილება.
„ინაუგურაციის ადგილზე არანაირი გადაწყვეტილება არ არის მიღებული. განიხილება სხვადასხვა ვარიანტები, თუნდაც თბილისი, ჯერ ვმსჯელობთ ამაზე, როცა მეცოდინება, მაშინ გეტყვით”, – განაცხადა სალომე ზურაბიშვილმა.
შეგახსენებთ, სალომე ზურაბიშვილის ინაუგურაცია 16 დეკემბერს გაიმართება.
