ჩვენ თავიდანვე ვამბობდით, რომ „ნაციონალური მოძრაობას“ წაგების შემდეგ ექნებოდა აუცილებლად დესტაბილიზაციის მცდელობა, - ამის შესახებ პარლამენტის თავმჯდომარე ირაკლი კობახიძემ განაცხადა.
მისი თქმით, გუშინ გამოჩნდა, რომ ამის რესურსი „ნაციონალური მოძრაობას“ არ აქვს.
„გუშინ გამოჩნდა ის, რასაც ვამბობდით, რომ მათ ამის რესურსი ნამდვილად არა აქვთ, რომ მათ არა აქვთ ხალხის მხარდაჭერა, შესაბამისად, ისინი ვერ შეძლებენ ჩვენს პროცესებში რაიმე დესტაბილიზაციის შეტანას. ჩვენ ვართ პასუხისმგებელი იმაზე, რომ დავიცავთ მშვიდობას და სტაბილურობას ჩვენს ქვეყანაში, აქედან გამომდინარე მათ მოვუწოდებ, ნუ გაიქაჩებიან იმაზე, რისი რესურსიც არა აქვთ. ამაზე ვართ ჩვენ პასუხისმგებელი, რომ ისინი ვერანაირად ვერ მოახერხებენ დესტაბილიზაციის გამოწვევას ჩვენს ქვეყანაში“, - განცხადა კობახიძემ.
ცნობისთვის, გაერთიანებული ოპოზიცია მმართველ პარტიას ულტიმატუმს უყენებს და საპრეზიდენტო არჩევნების შედეგების გაუქმებას, ვადამდელ საპარლამენტო არჩევნების დანიშვნას და პროპორციულ საარჩევნო სისტემაზე გადასვლას სთავაზობს.
