საქართველოს პარლამენტის დიასპორისა და კავკასიის საკითხთა კომიტეტის თავმჯდომარის პირველი მოადგილის თანამდებობა შესაძლოა, საპარლამენტო უმრავლესობის წევრმა ირაკლი მეზურნიშვილმა დაიკავოს.
საზოგადოებრივი მაუწყებლის ინფორმაციით, პოსტზე სალომე ზურაბიშვილის შემცვლელად ირაკლი მეზურნიშვილის კანდიდატურა მოიაზრება, რომელიც ამ დროისთვის კომიტეტის თავმჯდომარის მოადგილეა.
ცნობისთვის, მეცხრე მოწვევის პარლამენტში დიასპორისა და კავკასიის საკითხთა კომიტეტის თავმჯდომარის პირველი მოადგილის თანამდებობა ამ დრომდე სალომე ზურაბიშვილს უკავია.
შეგახსენებთ, სალომე ზურაბიშვილმა საპრეზიდენტო არჩევნებში გაიმარჯვა.
