რა დიალოგი უნდა ვაწარმოოთ რუსეთის მსახურთან, - ასე პასუხობს პარლამენტის იურიდიულ საკითხთა კომიტეტის თავმჯდომარე, ეკა ბესელია, საპრეზიდენტო არჩევნებში გაერთიანებული ოპოზიციის დამარცხებულ კანდიდატს, გრიგოლ ვაშაძის ინიციატივას. გრიგოლ ვაშაძემ და გაერთიანებულმა ოპოზიციამ ხელისუფლებას დრო 16 დეკემბრამდე მისცა, რათა შექმნან სამუშაო ჯგუფი და პოლიტიკური კრიზისიდან გამოყვანის გეგმა ამ სამუშაო ჯგუფის დონეზე იპოვონ.
„რა დიალოგი უნდა ვაწარმოოთ რუსეთის მსახურთან, ადამიანთან, რომელმაც გადაწყვიტა, რომ საქართველოს მოსახლეობის უმრავლესობას მიაყენოს შეურაცხყოფა, რომელიც არის სააკაშვილის ხელის ბიჭი, რომელიც არის რუსეთის ინტერესების გამტარებელი. რა დიალოგი შეიძლება ამ ადამიანებთან ვაწარმოოთ,“ - განაცხადა ეკა ბესელიამ.
