რუსთაველის გამზირზე მიმდინარე გაერთიანებული ოპოზიციის აქციაზე მიხეილ სააკაშვილის skype-ით ჩართო. მან ოპოზიციის მხარდამჭერებს სიტყვით მიმართა და მოუწოდა მხარი დაუჭირონ გირგო ვაშაძისა და გაერთიანებული ოპოზიციის ლიდერებს. სააკაშილის თქმით, გრიგოლ ვაშაძის სახით, საქართველოში, ისტორული მასშტაბით, ახალი დიდი პოლიტიკური ვარსკვლავი დაიბადა.
„მეგობრებო, მინდა მივესალმო ხალხის მიერ არჩეულ პრეზიდენტს გრიგოლ ვაშაძეს, რომელიც, ამ წუთში ვიხილეთ, ჩამოყალიბდა ძალიან მაგარ პოლიტიკურ ლიდერად, ახალი, დიდი პოლიტიკური ვარსკვლავი დაიბადა საქართველოში, ისტორული მასშტაბით. ყველამ ერთად დავუჭიროთ მხარი მის მოთხოვნებს, ისე როგორც გაერთიანებული ოპოზიციის მოთხოვნებს. ჩვენ ადრე ვლაპარაკობდით შესაძლო კატასტროფაზე, კატასტროფა უკვე დადგა, ვინაიდან საქართველოში არჩევნების ინსტიტუტი გაუქმდა. მათ, არჩევნების გაუქმების შემდეგ, უკან შემოაბრუნეს ნარკოტიკების თემა, ისევ შემოაბრუნეს თემა საბანკო კრედიტების გაუქმების, აღარ აპირებენ ამის გაკეთებას. ჰგონიათ, რომ ქართველი ხალხი ყველაფერს გადაყლაპავს და ყველაფერს მოითმენს. ჩვენ აღარაფერს აღარ მოვითმენთ. მათ ეგონათ ხალხი არ იბრძოლებდა, დღეს დავანახებთ, რომ ვიბრძოლებთ მშვიდობიანად, დამაჯერებლად, მშვიდად, ღიმილით თავაწეული, მაგრამ არასდროს ჩამოვუშვებთ ხელებს, არასდროს შევურიგდებთ უსამართლობას დავიხევთ უკან. რაც მთავარია, ხალხის გაერთიანება. ჩვენი ბრძოლა აუცილებლად დასრულდება სრული გამარჯვებით, აუცილებლად დასრულდება საქართველოში ოლიგარქის ხელისუფლების შეცვლით და ნამდვილი სახალხო დემოკრატიის დაბრუნებით“, - განაცხადა სააკაშვილმა.
