მე ვაპირებ, რომ უფრო მეტი ვთხოვო ჩვენს ევროპელ პარტნიორებს და ჩვენს პარტნიორებს ნატოში“, - თქვა „როიტერისთვის“ მიცემულ ინტერვიუში საქართველოს ახლადარჩენულმა პრეზიდენტმა, სალომე ზურაბიშვილმა.
ზურაბიშვილი ამბობს, რომ მას სურს საქართველოს ხედავდნენ არა რუსულ პრიზმაში, არამედ როგორც უძველესი ქვეყანა, რომელსაც შეუძლია მსოფლიოს მშვიდობისთვის ბევრი რამ შესთავაზოს. მისი თქმით, საქართველოს როლის გაძლიერება დაეხმარება ქვეყანას რუსეთთან წინააღმდეგობაში.
„საქართველო უფრო მეტად აქტუალური უნდა გახდეს, იმისათვის, რომ ჩვენს ევროპელ პარტნიორებთან ურთიერთობაზე რუსეთმა სულ უფრო ნაკლები გავლენის მოხდენა შეძლოს. მჯერა, რომ ჩვენ შეგვძლია მეტი მოვთხოვოთ ჩვენს ევროპელ პარტნიორებს... და მე ვაპირებ, რომ უფრო მეტი ვთხოვო ჩვენს ევროპელ პარტნიორებს და ჩვენს პარტნიორებს ნატოში“, - თქვა ზურაბიშვილმა
