ოპოზიციის მოწოდებები არ ცნონ არჩევნების შედეგები, სწორედ რუსულ ინტერესებს ემსახურება, - თქვა „როიტერისთვის“ მიცემულ ინტერვიუში საქართველოს ახლადარჩეულმა პრეზიდენტმა, სალომე ზურაბიშვილმა.
ზურაბიშვილმა თქვა, რომ ის მიზნად ისახავს გამოიყენოს თავისი ახალი პოზიცია იმისათვის, რომ შეარიგოს საქართველოს დაყოფილი საზოგადოება. მან ასევე დასძინა, რომ ოპოზიციის მოწოდებები არ ცნონ არჩევნების შედეგები, სწორედ რუსულ ინტერესებს ემსახურება.
„ეს არის ზუსტად ის რაც რუსეთს სურს - დაყოფილი და დასუსტებული ქვეყანა და დისკრედიტებული ქვეყანა, რომლის ლეგიტიმაციაზეც შეტევები ხორციელდება“, - განაცხადა ზურაბიშვილმა.
