"ყოფილი პოლიტპატიმრები - ადამიანის უფლებებისათვის" რუსეთში მილიციის მიერ ოპოზიციის აქციების დარბავას აპროტესტებს.
"მართალია, ხელისუფალთა მხრიდან თითქმის ყოველი ასეთი აქციის დროს ხდებოდა მისი დაშლა, დარბევა და ორგანიზატორთა დაკავება, მაგრამ 31 აგვისტოს აქციის დარბევის ფორმებმა და მასშტაბებმა ყველა დანარჩენს გადააჭარბა. გავრცელებული ინფორმაციით, მოსკოვსა და სანკტ-პეტერბურგში დაკავებული და ადმინისტრაციულ სახდელდადებულია ასზე მეტი ადამიანი, ამასთან, აქციის დარბევისას გამოყენებულ იყო სასტიკი ფორმები, რის გამოც აქციის ზოგიერთმა მონაწილემ სხეულის დაზიანება მიიღო", - ნათქვამია "ყოფილი პოლიტპატიმრები - ადამიანის უფლებებისათვის" მიერ გავრცელებულ განცხადებაში.
აღნიშნულთან დაკავშირებით ქართული არასამთავრობო ორგანიზაცია 31 აგვისტოს მოსკოვსა და სანკტ-პეტერბურგში დარბეულ აქციის მონაწილეებს სოლიდარობას უცხადებს.
შეგახსენებთ, რომ რუსი უფლებადამცველები 1 წელია, ყოველი თვის 31 რიცხვში მოსკოვსა და სანკტ-პეტერბურგში საპროტესტო აქციებს აზღობენ და ხელისუფლებას კონსტიტუციის 31-ე მუხლის დაცვას სთხოვენ.
31 აგვისტოს გამართულ აქციაზე კი რუსმა სამართალდამცველებმა 200-მდე ოპოზიციის მომხრე დააკავეს.
