აზერბაიჯანის თავდაცვის სამინისტრო ეროვნული შეიარაღებული ძალების ერთი წარმომადგენლის სომეხ ჯარისკაცებთან შეტაკებაში დაღუპვის შესახებ ინფორმაციას ადასტურებს და აცხადებს, რომ აზერბაიჯანელი ჯარისკაცი სომეხი სამხედროების შეტევის მოგერიებისას დაიღუპა.
აზერბაიჯანის თავდაცვის სამინისტროს ინფორმაციით, წუხელ სომეხმა სამხედროებმა მთიან ყარაბაღში მდგარ აზერბაიჯანელ სამხედროებზე თავდასხმა განახორციელეს.
შეგახსენებთ, რომ ეს ინფორმაცია ამ დილით სომხურმა მხარემ გაავრცელა, თუმცა, სომხური მხარე თავდასხმაში აზერბაიჯანელ სამხედროებს ადანაშაულებდა.
