დაღესტნის დედაქალაქ მახაჩკალაში ამ დილით თავდასხმა მოხდა მინისტრზე ნაციონალური პოლიტიკის საკითხებში ბეკმურზუ ბეკმურზაევზე. ინფორმაციას ამის შესახებ რუსული მედია დაღესტნის შს სამინისტროზე დაყრდნობით ავრცელებს.
ბეკმურზაევი და მისი დაცვის წევრი დაიჭრნენ. მისი ავტომობილის მძღოლი კი გარდაიცვალა. მინისტრი დილით სამსახურში "ჰონდას" ტიპის ავტომობილით მიდიოდა, რომელიც ადგილიდან დაძვრიდან 20 მეტრის შემდეგ აფეთქდა.
ამჟამად შემთხვევის ადგილზე დაღესტნის შს მინისტრი იმყოფება.
შეგახსენებთ, რომ 2005 წლის მაისში, მახაჩკალაში მომხდარი ტერაქტის შედეგად ნაციონალური პოლიტიკის საკითხებში მინისტრი ზაგირ არუხოვი გარდაიცვალა. იგი თავისი საცხოვრებელი სახლის სადარბაზოში ააფეთქეს. მანამდე კი 2003 წლის აგვისტოში მისი წინამორბედი მაგომედ სალიხ გუსაევი მოკლეს. გუსაევი საკუთარ ავტომობილში ააფეთქეს.
